ജോബ് (Job) Chapter 18 - POC Malayalam Bible

☩ Books

പഴയ നിയമംOld Testament

പുതിയ നിയമംNew Testament

ഉല്‍പത്തി (Genesis) പുറപ്പാട് (Exodus) ലേവ്യർ (Leviticus) സംഖ്യ (Numbers) നിയമാവർത്തനം (Deuteronomy) ജോഷ്വ (Joshua) ന്യായാധിപന്മാർ (Judges) റൂത്ത് (Ruth) 1 സാമുവൽ (1 Samuel) 2 സാമുവൽ (2 Samuel) 1 രാജാക്കന്മാർ (1 Kings) 2 രാജാക്കന്മാർ (2 Kings) 1 ദിനവൃത്താന്തം (1 Chronicles) 2 ദിനവൃത്താന്തം (2 Chronicles) എസ്രാ (Ezra) നെഹെമിയാ (Nehemiah) തോബിത് (Tobit) യൂദിത്ത് (Judith) എസ്തേർ (Esther) 1 മക്കബായർ (1 Maccabees) 2 മക്കബായർ (2 Maccabees) ജോബ് (Job) സങ്കീർത്തനങ്ങൾ (Psalms) സുഭാഷിതങ്ങൾ (Proverbs) സഭാപ്രസംഗകൻ (Ecclesiastes) ഉത്തമഗീതം (Song of Solomon) ജ്ഞാനം (Wisdom) പ്രഭാഷകൻ (Sirach) ഏശയ്യാ (Isaiah) ജറെമിയാ (Jeremiah) വിലാപങ്ങൾ (Lamentations) ബാറൂക്ക് (Baruch) എസെക്കിയേൽ (Ezekiel) ദാനിയേൽ (Daniel) ഹോസിയാ (Hosea) ജോയേൽ (Joel) ആമോസ് (Amos) ഒബാദിയാ (Obadiah) യോനാ (Jonah) മിക്കാ (Micah) നാഹൂം (Nahum) ഹബക്കൂക്ക് (Habakkuk) സെഫാനിയാ (Zephaniah) ഹഗ്ഗായി (Haggai) സഖറിയാ (Zechariah) മലാക്കി (Malachi)

ജോബ് (Job)

ആമുഖംIntro 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42

☩ Chapter 18

Tools:

ബില്‍ദാദ് വീണ്ടും സംസാരിക്കുന്നു.

ഷൂഹ്യനായ ബില്‍ദാദ് പറഞ്ഞു:

എത്രനേരം നീ ഇങ്ങനെ സംസാരിച്ചുകൊണ്ടിരിക്കും? നീ ശ്രദ്ധിക്കുമെങ്കില്‍ ഞങ്ങള്‍ പറയാം.

എന്തുകൊണ്ടു നീ ഞങ്ങളെ മൃഗങ്ങളായി എണ്ണുന്നു? എന്തുകൊണ്ടു ഭോഷന്‍മാരായി ഞങ്ങളെ കണക്കാക്കുന്നു.

കോപാവേശത്താല്‍ തന്നെത്തന്നെ ചീന്തിക്കളയുന്ന നിനക്കുവേണ്ടി ഭൂമി പരിത്യക്തമാകണമോ? പാറയെ അതിന്റെ സ്ഥാനത്തുനിന്നു നീക്കണമോ?

ദുഷ്ടന്റെ പ്രകാശം കെടുത്തിയിരിക്കുന്നു. അവന്റെ അഗ്‌നി ജ്വലിക്കുന്നില്ല.

അവന്റെ കൂടാരത്തില്‍ പ്രകാശം ഇരുളായി മാറിയിരിക്കുന്നു; അവനു മുകളിലുള്ള ദീപം കെടുത്തിയിരിക്കുന്നു.

ദൃഢമായിരുന്ന അവന്റെ പാദങ്ങള്‍ ഇപ്പോള്‍ പതറുന്നു. അവന്റെ പദ്ധതികള്‍ തന്നെ അവനെ നശിപ്പിക്കുന്നു.

അവന്‍ നടന്നു ചെന്ന് വലയില്‍ കുടുങ്ങുന്നു; അവന്‍ ചതിക്കുഴിയുടെ മീതെയാണ് നടക്കുന്നത്.

കുരുക്ക് അവന്റെ കുതികാലില്‍ വീഴുന്നു. അവന്‍ കുടുക്കിലകപ്പെടുന്നു.

അവനെ കുടുക്കാന്‍ തറയില്‍ കയര്‍ ഒളിച്ചു വച്ചിരിക്കുന്നു; പാതയില്‍ ഒരു കെണിയും.

എല്ലാവശത്തും നിന്നു കൊടും ഭീതികള്‍ അവനെ ഭയപ്പെടുത്തുകയും വേട്ടയാടുകയും ചെയ്യുന്നു.

വിശപ്പുകൊണ്ട് അവന്റെ ശക്തിക്ഷയിച്ചിരിക്കുന്നു; വിനാശം അവന്റെ ഇടര്‍ച്ച കാത്തിരിക്കുന്നു.

രോഗം അവന്റെ ചര്‍മത്തെ കാര്‍ന്നു തിന്നുന്നു; മൃത്യു അവന്റെ അവയവങ്ങളെയും.

അവന്‍ ആശ്രയിച്ചിരുന്ന കൂടാരത്തില്‍ നിന്ന് അവന്‍ പറിച്ചുമാറ്റപ്പെടും. ഭീകരതയുടെ രാജാവിന്റെ അടുത്തേക്ക് അവന്‍ നയിക്കപ്പെടും.

അന്യര്‍ അവന്റെ കൂടാരത്തില്‍ വസിക്കും; അവന്റെ ഭവനത്തിന്‍മേല്‍ ഗന്ധകം വര്‍ഷിക്കപ്പെടും.

അവന്റെ വേരുകള്‍ ഉണങ്ങിപ്പോകും; അവന്റെ ശാഖകള്‍ വാടിയുണങ്ങും.

ഭൂമിയില്‍ നിന്ന് അവന്റെ സ്മരണ മാഞ്ഞുപോകും. തെരുവീഥിയില്‍ അവന്റെ പേര് ഇല്ലാതാകും.

പ്രകാശത്തില്‍ നിന്ന് അന്ധകാരത്തിലേക്ക് അവനെ തള്ളിയിടുകയും ലോകത്തില്‍ നിന്ന് അവനെ ഓടിച്ചുകളയുകയും ചെയ്യും.

സ്വജനത്തിന്റെയിടയില്‍ അവനു സന്തതികളോ പിന്‍ഗാമികളോ ഉണ്ടായിരിക്കുകയില്ല; അവന്റെ പാര്‍പ്പിടത്തില്‍ ആരും അവശേഷിക്കുകയില്ല.

അവന്റെ ദിനം കണ്ടു പടിഞ്ഞാറുള്ളവര്‍ പരിഭ്രാന്തരാകും; കിഴക്കുള്ളവര്‍ സംഭീതരാകും.

അധര്‍മികളുടെ പാര്‍പ്പിടങ്ങള്‍ ഇങ്ങനെയാണ്. ദൈവത്തെ അറിയാത്തവരുടെ സ്ഥലത്ത് ഇതു സംഭവിക്കും.

☩ ബൈബിൾBible

☩ Books

ജോബ് (Job)

☩ Books